«Minýonlar we nägehanlar» multfilminiň premýerasynda minýon dilinde aýdym aýtmak boýunça bäsleşik geçirildi. Ýeňiji bolan gyz «Jackson 5» toparynyň «I'll Be There» aýdymyny ýerine ýetirdi.
Şeýle hem bäsleşikde Oliwiýa Rodrigonyň «Drop Dead», «Queen» toparynyň «Bohemian Rhapsody» we Bruno Marsyň «Versace on the Floor» kompozisiýalarynyň täzeçe görnüşleri ýaňlandy.
Multfilmiň dünýä premýerasy 1-nji iýulda bolar. Täze ekran eserinde minýonlar 1920-nji ýyllaryň Golliwudyna düşýärler. Ozal çap edilen böleklerde olar westerniň (kowboý filmleriniň), wikingler baradaky taryhy söweşiji filmiň we nuaryň bezegleriniň içinde peýda bolupdylar. Sýužete görä, üç sany minýon jadyly sözleriň kitabyny tapýarlar we bilmezlikden mahlugy çagyrýarlar, şondan soň bolsa özleriniň gorkunç filmini surata düşürmek üçin hakyky nägehanlaryň gözlegine çykýarlar.
Filmi döredijiler bu ekran eserinde tutuşlygyna minýonlaryň dilinde seslendirilen 15 minutlyk sahnanyň boljakdygyny habar berdiler. Gahrymanlary seslendirmek işine bolsa, edil öňki ýaly, minýonlary dörediji we filmiň režissýory Pýer Koffin jogap berdi.
«Minýonlar we nägehanlar» multfilmi «Ýigrenji men» («Гадкий я») tapgyrlaýyn filmleriniň prikweli, şeýle hem «Minýonlar» we «Minýonlar: Grýuwitasiýa» multfilmleriniň dowamy bolar.
