Aýdymçy Dua Lipa Portugaliýanyň Portu şäherinde «Manifesto Library» atly öz hususy kitaphanasyny açdy. Bu taslama, içki bezegleri we gurluşy taýdan Joan Roulinge «Garri Potter» älemini döretmäge ylham beren «Livraria Lello» kitap dükanynyň mydamalyk bölegi bolar.
Kitaphananyň açylyş dabarasy «Babell – City of Books» halkara kitap festiwalynyň çäklerinde geçirildi. Dabara Olga Tokarçuk, Salman Ruşdi we eserleri bu ýygyndyda ýer alan beýleki meşhur ýazyjylar gatnaşdylar.
Bu kitaphana aýdymçynyň 2021-nji ýylda esaslandyran «Service95» kitap klubunyň dowamy boldy. Başlangyç tapgyrda ýygyndynyň içine häkimiýet, gözegçilik, ses we ýatkeşlik mowzuklaryny özünde jemleýän ýüzden gowrak kitap girizildi.
– Bu kitaphana – ýitip giden kitaplara, batyrgaýlygy bilen häkimiýeti we gözegçiligi paş edýän ýazyjylara hem-de başgalaryň gadaganlyklaryna boýun egmekden boýun gaçyrýan okyjylara goýulýan sarpadyr – diýip, Dua Lipa maksadyny mälim etdi.
Görkezilýän eserleriň arasynda Margaret Etwuduň «Gyrnagyň gürrüňi» («Рассказ служанки»), Harper Liniriň «Jokjokyny öldürmek» («Убить пересмешника»), Rejinald Dueýn Bettsiň «Jenaýatkär» («Преступник»), Trewor Noanyň «Reňksiz» («Бесцветный»), Jodi Pikoltyň «On dokuz minut» («Девятнадцать минут») ýaly eserleri, şeýle-de Rupi Kauruň «Süýt we bal» («Молоко и мед») goşgular ýygyndysy we başga-da ençeme kitaplar bar. Olaryň köpüsi dürli döwürlerde gadagan hem çäklendirmelere sezewar edildi.
