Microsoft "Edge" brauzeri üçin täze Scareware blocker guralyny hödürledi. Ol ulanyjylary galp programmalardan goramak üçin döredildi.
Tehnologiýa ulanyjylary wiruslara garşy göreş ady bilen zyýanly programma üpjünçiligini göçürip almaga çagyrýan gorkuly-programmalar diýlip atlandyrylýan programmalary kesgitlemek üçin, ekranda bolup geçýän zatlara sözüň doly manysynda gözegçilik edýär.
"Scareware blocker ýerli kompýuterde işleýän maşyn öwreniş modelini ulanýar. Bu model jemgyýetiň biziň bilen paýlaşan doly ekranly galplyk sahypalaryndan ybarat müňlerçe mysallaryny deňeşdirmek üçin kompýuter görşüni ulanýar" – diýip, Microsoft habar berdi. Tehnologiýa, şekilleri buluda geçirmezden, ýerli derejede işleýär.
Galplyk ýüze çykarylanda, brauzer awtomatiki usulda doly ekran režiminden çykýar, wideony görkezmegi ýa-da sesi çykarmagy bes edýär hem-de ulanyja duýduryş berýär. Ondan soň ol brauzeri ulanmagy dowam etdirip we sahypany Scareware blocker maglumat bazasyna goşup biler.
Täze gural Edge-niň iň soňky durnukly wersiýasynda bar, ýöne adaty ýagdaýda ýapylgy. Ony işletmek üçin programma sazlamalarynda degişli opsiýany el bilen işjeňleşdirmeli.
