Halkara alymlar topary hereketi we basyşy bir wagtyň özünde elektrik energiýasyna we ýagtylyga öwürýän sensory işläp taýýarlady. Gurluş batareýasyz, awtonom işläp bilýär we halas ediş operasiýalarynda, sportda, dakylýan elektronikada täze mümkinçilikleri açýar.
Sensor iki tehnologiýany birleşdirýär: triboelektrik nanogeneratorlar (TENG) we mehanolýuminessensiýa (ML). Alymlar silikon materialyna mis bilen ýagtylyk saçýan sink sulfidiniň bölejiklerini goşup, ýokary netijeliligi gazanmak üçin kümüş nano-simleriniň esasynda gurluş döretdiler.
Prototip 5000-den gowrak basyşa çydamly bolup, 60 wolta çenli naprýaženiýany we 395 nanoamper togy öndürdi. Sensoryň hatda suwuň astynda we garaňkylykda hem durnukly işleýändigini bellemek gerek. Bu halasgärler we çuňňur suwlarda işler geçirilende has peýdaly bolar.
Täze tehnologiýa dürli pudaklarda ulanylyp bilner. Mysal üçin, ol urgy güýjüni ölçemek üçin şlemlere, hereketi yzarlamak üçin gorag bileziklerine ýa-da suw astynda SOS signalyny ibermek üçin enjamlara gurnalyp bilner. Batareýalaryň ýoklugy ony ekologiýa taýdan arassa edýär.
