Hytaýly baş aşpez täze dünýä rekordyny goýdy, ol eli bilen iň inçe unaşy kesdi diýip, UPI habar berýär.
Milandaky teleýaýlym şounyň düşüriliş meýdançasynda hytaýly aşpez Li Enhaý tomaşaçylary we emin agzalaryny haýrana galdyrdy. Ol unaş taýýarlamakdaky ussatlygyny görkezip, bary-ýogy 0,18 millimetr inçelikdäki unaşy taýýarlady. Bu bolsa täze dünýä rekordy boldy.
Mundan ozal hem, el bilen iň inçe unaşy taýýarlamak boýunça rekordyň eýesi Enhaýyň özidi, emma soňlugy bilen bu rekord başga bir aşpez tarapyndan döwlüpdi. Indi bolsa hytaýly ussat öz rekordyny gaýtadan yzyna aldy we emin agzalaryny öz ajaýyp başarnygy bilen haýrana galdyrdy.
Bu üstünlik däp bolan unaş taýýarlamak sungatyny öňe çykaryp, ýokary aşpezligiň başarnygyny görkezýär.
