Hytaýlylar haýsy ulaglara münýärler: 2024-nji ýylda iň köp satylan 10 model

Geçen ýylda Hytaýyň awtoulag bazary 2023-nji ýyl bilen deňeşdirilende 3,8% ösüş gazandy. Ýylyň dowamynda bu ýurtda jemi 23,26 million täze awtoulag satyldy, olaryň üçden biri bolsa elektrikli ulaglardan ybarat boldy. Bu barada focus2move.com habar berýär.

Bazaryň öňdebaryjy brendi BYD bolup, ol 3,57 million awtoulag satdy. Bu görkeziji 2023-nji ýyl bilen deňeşdirilende 38,6% köpdür.
Ikinji orny Volkswagen eýeledi, emma onuň satuwy 7% azaldy we 2,08 million ulaga deň boldy. Toyota-nyň satuwy bolsa 8,4% peselip, 1,59 million ulaga çenli azaldy.

2024-nji ýylda Hytaýda iň köp satylan awtoulag modelleri:

1. BYD Song – 574,3 müň satuw (+45,3%)
2. Tesla Model Y – 480,3 müň satuw (+5,2%)
3. BYD Qin Plus – 480 müň satuw (+10,6%)
4. BYD Seagull – 453,6 müň satuw (+89,6%)
5. Nissan Sylphy – 342,4 müň satuw (-9,5%)
6. Volkswagen Lavida – 322,9 müň satuw (-6,6%)
7. Toyota Corolla – 282,4 müň satuw (-13,5%)
8. BYD Yuan Plus – 275,2 müň satuw (-11,2%)
9. Wuling Hongguang Mini EV – 261,1 müň satuw (+9,8%)
10. Volkswagen Passat – 254,1 müň satuw (+25,4%)