ABŞ-da dünýäniň iň uly buz labirinti guruldy diýip, UPI ýazýar.
Minnesota ştatynda täze dünýä rekordy goýuldy – 5500 inedördül metr meýdany bolan buzdan labirint guruldy. Ol resmi taýdan Ginnesiň rekordlar kitabyna dünýäniň iň uly buz labirinti hökmünde hasaba alyndy. Desganyň diwarlarynyň beýikligi 2,5 metre ýetip, onuň içinde myhmanlary ýalňyşdyrmak üçin köp sanly çykmaz ýollar we burçlar bar.
Labirintiň gurluşygyna 2024-nji ýylyň 1-nji dekabrynda futbol meýdanynyň üstünde başlanyp, bir aýyň içinde tamamlandy. Otlary goramak maksady bilen, meýdanyň daş-töweregine çäge we faneradan örtük ýerleşdirilipdir. Desganyň gurluşygy üçin, hersiniň agramy 200 kilograma ýakyn 3452 sany buz bölegi ulanylypdyr.
Buz labirinti, howa şertlerine baglylykda, 16-njy fewrala çenli ilatyň we syýahatçylaryň ajaýyp buz sungatyndan lezzet almagy üçin açyk bolar.
