“Röwşen” hususy kärhanasy Aşgabadyň günortasynda ýerleşýän asma ýoluň binalarynda we desgalarynda, ýanaşyk ýerlerinde düýpli abatlaýyş işlerini geçirer.
Prezident Serdar Berdimuhamedow Energetika ministrliginiň “Türkmenenergogurluşyk” konserniniň degişli döwlet kärhanasyna “Röwşen” HK bilen degişli şertnamany baglaşmaga ygtyýar berdi.
Düýpli abatlaýyş işlerine 2025-nji ýylyň ýanwar aýynda başlap, desgany 2026-njy ýylyň iýun aýynda ulanmaga doly taýýar edip tabşyrmak bellenildi.
Bellenilişi ýaly, bu resminama Aşgabat şäheriniň şähergurluşyk-binagärlik keşbini has-da gözelleşdirmek, şeýle hem paýtagtymyzyň ýaşaýjylarynyň we myhmanlarynyň medeniýetli dynç almaklary üçin amatly şertleri döretmek maksady bilen kabul edildi.
