Estoniýaly darbaz, sleklaýn boýunça üç gezek dünýä çempiony Ýaan Rooze Dubaýdaky Jumeirah Emirates Towers diňleriniň aralygyndaky 100 metrlik tanapdan ýöräp geçdi. Tanap 224 metr beýiklikde çekdirildi diýip, Emirates News Agency habar berýär.
Bu täsin “gezelenç” kontenti döredijileriň ykdysadyýetine bagyşlanan üçünji “1 Billion Followers Summit” sammitiniň çäklerinde boldy. Rooze tanapdan iki gezek ýöredi – ilki bir diňden beýlekisine, soňra yzyna.
Ol muny 33 ýaşynyň dolan güni ýerine ýetirdi.
Belläp geçsek, Rooze öňem şeýle üstünlikleri bilen tanalýar. Geçen ýyl ol Stambuldaky Bosfor bogazyndan tanap arkaly geçen ilkinji darbaz boldy, ol şeýle etmek bilen Aziýadan Ýewropa geçdi. Mundan öň Rooze Sisiliýa adasy bilen Italiýanyň materik böleginiň aralygyndaky Messina bogazyndan üstünlikli geçdi.
