Apple-iň bazar bahasy soňky söwdada täze taryhy derejä – 3,85 trln dollara ýetdi. Bu kompaniýanyň emeli aň pudagyndaky ösüşi bilen baglanyşyklydyr diýip, Reuters habar berýär.
Noýabr aýynyň başyndan bäri kompaniýanyň bahasy paýnamalaryň 16% ýokarlanmagy netijesinde 500 mlrd dollar artdy. Bu hem Apple-e Nvidia we Microsoft ýaly bäsdeşlerinden ýene öňe geçmäge mümkinçilik berdi.
Maýadarlar üstünligi kompaniýanyň satuwa oňyn täsir etjek gajetleriň model hataryny ýygy-ýygydan täzeläp bilmek mümkinçiligi bilen baglanyşdyrýar. Analitikler 2024-nji ýylda pese düşen iPhone satuwyndan gazanylan girdejileriň 2025-nji ýylda artmagyna garaşýar.
Apple bazar kapitalizasiýasy boýunça öňdebaryjylygy saklamagyny dowam etdirýär. Kompaniýa 2018-nji ýylda 1 trln dollardan, 2020-nji ýylda 2 trln dollardan we 2023-nji ýylda 3 trln dollardan geçen ilkinji kompaniýa boldy.
