Prezident Serdar Berdimuhamedow hanym Maýýa Sanduwa Moldowa Respublikasynyň Prezidenti wezipesine girişmegi mynasybetli mähirli gutlaglaryny we iň gowy arzuwlaryny iberdi. Gutlag haty resmi metbugatda çap edildi.
Döwlet Baştutany mümkinçilikden peýdalanyp, Prezident Maýýa Sanduwa tüýs ýürekden berk jan saglyk, bagtyýarlyk hem-de dostlukly ýurduň mundan beýläk-de öňe gitmeginiň, gülläp ösmeginiň bähbidine bu ýokary döwlet wezipesinde uly üstünlikleri gazanmagy arzuw etdi.
Maýýa Sandu kasam kabul edip, Moldowanyň Prezidenti hökmünde ikinji möhlete wezipä girişdi. Kasam kabul etmek dabarasy Moldowanyň Parlamentiniň we Konstitusion kazyýetiniň mejlisinde geçirildi. Oňa deputatlar we hökümet agzalary gatnaşdy.
Sanduwyň birinji möhleti 24-nji dekabrda tamamlandy. Ol 20-nji oktýabrda we 3-nji noýabrda geçirilen saýlawlaryň netijeleri boýunça saýlandy.
