Türkmenistanda eýeçiligiň görnüşine garamazdan, edara-kärhanalaryň ähli işgärlerine noýabr-dekabr aýlary üçin zähmet haklary, pensiýalar, döwlet kömek pullary, talyp we diňleýji haklary 20-nji dekabra çenli doly tölendi. Bu barada 21-nji dekabrda geçirilen Hökümet mejlisinde wise-premýer H.Geldimyradow hasabat berdi.
6-njy dekabrda sanly ulgam arkaly geçirilen Ministrler Kabinetiniň mejlisinde döwlet Baştutany degişli tabşyryklary beripdi.
Serdar Berdimuhamedow raýatlarymyzyň döwrebap şertlerde zähmet çekmegi üçin ähli şertleriň döredilýändigini belläp, zähmet haklarynyň, pensiýalaryň, döwlet kömek pullarynyň, talyp hem diňleýji haklarynyň öz wagtynda tölenmegini hemişe gözegçilikde saklamagy tabşyrdy.
