Ýaponiýanyň milli syýahatçylyk guramasynyň maglumatlaryna görä, ýanwar aýyndan noýabr aýy aralygynda Günüň dogýan ýurduna 33 379 900 adam baryp gördi. Şeýle mukdar 2019-njy ýylda goýlan öňki 31,88 mln adam ýyllyk rekordyndan hem geçýär diýip, Nippon habar berýär.
Syýahatçylaryň sanynyň ösüşi ýenanyň gowşaklygy we awiagatnawlaryň sanynyň artmagy bilen baglanyşyklydyr. Aziýanyň Günorta Koreýa, Taýwan we Gonkong ýaly ýerlerinden gelýän syýahatçylardan başga-da, ABŞ-dan we Ýewropadan gelýänleriň sany artdy.
“Eger ähli zat gowy bolsa, 2024-nji ýylda syýahatçylaryň umumy sany 35 milliondan geçer” diýip, Ýaponiýanyň syýahatçylyk agentliginiň komissary Haraikawa Naoýa belledi.
Bellenilişi ýaly, diňe noýabr aýynda daşary ýurtly myhmanlaryň takmyn sany geçen ýyl bilen deňeşdirilende 30,6% ýokarlanyp, 3 187 000-e ýetdi we yzygider ikinji aý 3 mln görkezijiden geçdi. Bu COVID-19 pandemiýasyndan öňki derejeden hem 30,5% ýokarydyr.
