Prezident Serdar Berdimuhamedow ýurdumyzyň ýaş estrada we höwesjeň aýdymçy ýaşlaryny Türkmenistanyň «Magtymguly Pyragynyň 300 ýyllygyna» atly ýadygärlik nyşany bilen sylaglamak hakynda Karara gol çekdi.
Resminama laýyklykda, şu aýdymçylar sylaglanyldy:
- Türkmenistanyň Döwlet medeniýet merkeziniň Mukamlar köşgüniň «Estrada artistleri» toparynyň 1-nji derejeli artisti-wokalisti Gylyçdurdy Hojagylyjowiç Durdyýew;
- Türkmenistanyň Döwlet medeniýet merkeziniň Mukamlar köşgüniň Türkmenistanyň Döwlet horunyň 1-nji derejeli horuň artisti Leýli Rustamowna Mämmedowa;
- «Türkmengaz» döwlet konserniniň Işçi iýmiti üpjünçiligi we hyzmatlar müdirliginiň Medeni-işewürlik merkeziniň «Galkynyş» folklor toparynyň ýokary derejeli artisti-wokalisti Göwher Döwletmämmedowna Hojimyradowa;
- Sahy Jepbarow adyndaky Arkadag şäher ýörite sungat mekdebiniň saz mugallymçylygy bölüminiň mugallymy Bägül Döwletgeldiýewna Maşadowa;
- Türkmen döwlet medeniýet institutynyň medeni miras fakultetiniň 2-nji ýyl talyby Serdar Turanowiç Çaryýew;
- Maýa Kulyýewa adyndaky Türkmen milli konserwatoriýasynyň orkestr saz gurallary fakultetiniň 2-nji ýyl talyby Hemra Orazmyradowiç Nuryýew;
- Maýa Kulyýewa adyndaky Türkmen milli konserwatoriýasynyň halk sazy fakultetiniň 4-nji ýyl talyby Güljemal Taýlyýewa;
- Ahal welaýat medeniýet merkeziniň estrada orkestriniň 2-nji derejeli artisti Şatlyk Bäşimmyradowiç Gurbannazarow;
- Daşoguz welaýatynyň Şabat etrabynyň medeniýet merkeziniň tans goýujysy Selbi Şyhymbaýewna Kakanowa;
- Mary welaýatynyň Sakarçäge etrabynyň Garaýap geňeşliginiň Garaýap oba medeniýet öýüniň akkompaniatory Şamyrat Kakamyradowiç Artykow.
Belläp geçsek, Gylyçdurdy Durdyýew «Ýylyň parlak ýyldyzy — 2024» bäsleşiginiň ýeňijisi boldy.
