Türkmenistanyň Döwlet medeniýet merkeziniň Mukamlar köşgüniň «Estrada artistleri» toparynyň 1-nji derejeli artisti-wokalisti Gylyçdurdy Durdyýew «Ýylyň parlak ýyldyzy — 2024» bäsleşiginiň ýeňijisi boldy. Bu barada "Türkmenistan" gazetinde habar berilýär.
Aýdym-saz bäsleşiginiň jemleýji tapgyry 16-njy dekabrda Türkmenistanyň Alp Arslan adyndaky milli drama teatrynda geçirildi. Bäsleşikde ýeňiji tomaşaçylaryň SMS arkaly iberen seslerini sanamak arkaly belli boldy. Jemleýji tapgyra 10 sany gatnaşyjy saýlandy.
«Ýylyň parlak ýyldyzy» bäsleşiginiň şertlerine görä, oňa gatnaşyjylar iki aýdymy ýerine ýetirdiler.
Bäsleşigiň ýeňijisi Gylyçdurdy Durdyýew Türkmenistanyň at gazanan artisti Nurýagdy Tokgaýewiň «Senmidiň?» aýdymyny ýerine ýetirdi we Magtymguly Pyragynyň sözlerine döredilen «Bu derdi» aýdymyna sazsyz hiňlenip berdi.
“Ýylyň parlak ýyldyzy” döredijilik bäsleşiginiň ýeňijisi göçme kubok we gymmat bahaly sowgat gowşuryldy.
Baş baýrakdan başga-da, bäsleşikde birinji, ikinji we üçünji orunlar göz öňünde tutuldy. Baýrakly orunlary eýelänleriň ählisine degişli diplomlar, ýadygärlik sowgatlary gowşuryldy.
