Paduýa şäherindäki italiýaly kardiohirurglar dünýäde ilkinji gezek operasiýanyň ähli tapgyrlarynda urmagyny dowam etdiren ýüregiň transplantasiýasyny geçirdiler. Bu barada şäheriň uniwersitet hassahanasyna salgylanyp, RIA Nowosti habar berýär.
65 ýaşly erkek adamda iki hepde mundan ozal geçirilen operasiýa transplantologiýa üçin täze gözýetimleri açýar. Baş hirurg Jino Jerozanyň aýtmagyna görä, bu usulyň aýratynlygy ýüregiň donordan alnan pursatyndan başlap, tä implantasiýa tamamlanýança işjeň urmagyny dowam etdirmegidir.
Täze usul ýüregiň duran wagty we işemiýa hem reperfuziýa bilen baglanyşykly ýüze çykýan zeperlerden gaçmaga mümkinçilik berer. Bu organyň funksiýasynyň dikelmegini çaltlaşdyrýar we hassa üçin çaklamalary gowulandyrýar.
Hassa üstünlikli dikeldi we çykarylmaga taýýarlanýar. 1985-nji ýylda hut bu bölümde Italiýada ilkinji ýürek transplantasiýasy geçirildi.
Messaggero gazeti operasiýany global kardiohirurgiýada “kopernik rewolýusiýasy” diýip atlandyrdy.
