Ilon Mask xAI tarapyndan işlenip düzülen Aurora neýroulgamynyň işe başlandygyny habar berdi. Bu model suratlary döretmekde ýokary derejeli fotorealizme we takyklyga ýetmäge mümkinçilik berýän, Internetden alnan milliardlarça mysallar esasynda tälim aldy.
Işläp düzüjileriň aýtmagyna görä, Aurora tekstleri, logotipleri we adamlaryň portretlerini döretmekde beýleki neýroulgamlardan has ýokarydyr.
Model diňe bir tekstiň talaplaryna esaslanýan şekilleri döretmäge däl-de, eýsem, ulanyjy tarapyndan berlen suratlary redaktirlemäge hem mümkinçilik berýän multimodal girişi goldaýar. Bu Aurorany, aýratyn-da, wizual mazmun bilen işleýänler üçin peýdaly edýär.
Neýroulgamyň täze funksiýalary Grok platformasyndaky käbir ýurtlarda ulanyjylar üçin eýýäm elýeterlidir. Bir hepdäniň içinde ol ähli ulanyjylara elýeterli bolar diýlip garaşylýar. Işläp düzüjiler Auroranyň beýleki modelleriň çözüp bilmejek meselelerini has gowy ýerine ýetirip biljekdigine ynanýarlar.
