Iň rahatlandyryjy ýurtlaryň reýtingi düzüldi

Retrit (jemgyýetden üzňeleşmek, ruhy taýdan ösüş) syýahatlara ýöriteleşen BookRetreats saýty tebigatda has gowy rahatlanyp, şäheriň we mähelläniň “gohundan” dynç alyp boljak ýurtlaryň reýtingini düzdi. Bu barada TimeOut neşiri habar berýär.

Hünärmenler howpsuzlyk derejesi, goraghanalaryň we beýleki goralýan ýerleriň sany, tokaýlaryň meýdany, ilatyň gürlügi, syýahatçylaryň konsentrasiýasy, galmagalyň we “yşyk hapalanmasynyň” derejesi ýaly dokuz ölçeg boýunça 76 ugry seljerdiler.
Birinji orny Awstraliýa eýeledi. Daşary ýurtlulary hem hasaba alanyňda, bu ýurduň her bir inedördül kilometrinde ortaça 3,4 adam bar. Deňeşdirmek üçin, Italiýada – 198, Wýetnamda – 308, Günorta Koreýada – 511, Mawrikide – 626.
“Iň rahatlandyryjy ýurtlaryň” top-20-i şeýle görnüşde:

1. Awstraliýa
2. Kanada
3. Islandiýa
4. Finlýandiýa
5. Täze Zelandiýa
6. Awstriýa
7. Şwesiýa
8. Estoniýa
9. Norwegiýa
10. Portugaliýa
11. Botswana
12. Horwatiýa
13. Germaniýa
14. Çernogoriýa
15. Ýaponiýa
16. Ispaniýa
17. Bolgariýa
18. Litwa
19. Çehiýa
20. Malaýziýa

Sanawy Filippinler, Hindistan, Türkiýe, Gambiýa we Salwador jemleýär.