10-njy dekabrda Türkmenistanyň DIM-nde ministriň orunbasary Mähri Bäşimowa Migrasiýa boýunça halkara guramasynyň (MHG) täze bellenilen Merkezi Aziýa boýunça sebitleýin utgaşdyryjysy, MHG-niň Gazagystandaky wekilhanasynyň ýolbaşçysy Serhan Aktoprak bilen duşuşdy.
Türkmenistanyň DIM-niň habar bermegine görä, duşuşykda türkmen tarapy myhmany täze wezipä bellenmegi bilen gutlady we netijeli hyzmatdaşlygyň dowam etdiriljekdigine umyt bildirdi.
Şeýle hem Türkmenistan bilen MHG-niň özara gatnaşyklarynyň derwaýys meseleleri barada gyzyklanma bildirilip pikir alşyldy, şeýle hem geljek üçin bilelikdäki wezipeler kesgitlenildi.
Taraplar bosgunlaryň we raýatlygy bolmadyk adamlaryň hukuklaryny üpjün etmek, adam söwdasyna garşy göreşmek meselelerine Türkmenistanyň abraýly halkara guramalary bilen alyp barýan hyzmatdaşlygynyň ileri tutulýan ugurlary hökmünde garalýandygyny nygtadylar.
Söhbetdeşler 2025-nji ýyl üçin hyzmatdaşlygyň ugurlaryny kesgitlediler.
