7-nji dekabrda Keramatly Pýotryň Ybadathanasynda Türkmenistanyň Watikandaky täze bellenen ilçisi Wepa Hajiýew Papa Fransiske ynanç hatlaryny gowşurdy. Bu barada Türkmenistanyň Ženewadaky ilçihanasynda habar berdiler.
Dabara Papa Fransiskiň ýüzlenmesinden başlanyp, onda ählumumy wehimleri ýeňip geçmekde diplomatiýanyň möhüm ähmiýeti nygtaldy. Rim Papasy Watikanyň «oňyn bitaraplyk» ýörelgesine ygrarlylygyny aýratyn belledi hem-de meseleleri çözmekde umydy we döredijilikli çemeleşmäni elden bermezlige çagyrdy.
Rim Papasy bilen gysga söhbetdeşligiň dowamynda Wepa Hajiýew türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň we Türkmenistanyň Prezidenti Serdar Berdimuhamedowyň ýollan salamyny we iň gowy arzuwlaryny ýetirdi. Iki ýurduň bitaraplyk ýörelgesi esasynda daşary syýasaty durmuşa geçirmekdäki çemeleşmeleriniň meňzeşligi bellenildi.
Mähirli sözler üçin minnetdarlyk bildirip, iň gowy arzuwlaryny ýollady.
Şol gün Türkmenistanyň ilçisi bilen Watikanyň Döwlet sekretary, kardinal Pýetro Paroliniň arasynda hem duşuşyk geçirildi. Gepleşikleriň dowamynda syýasy we medeni-ynsanperwer ugurlardaky hyzmatdaşlygyň geljegi ara alnyp maslahatlaşyldy.
