Prezident Serdar Berdimuhamedow Gyrgyz Respublikasynyň Prezidenti Sadyr Žaparowa doglan güni mynasybetli tüýs ýürekden gutlaglaryny we hoşniýetli arzuwlaryny iberdi. Bu barada TDH habar berýär.
“Siziň parasatly baştutanlygyňyzda Gyrgyzystan döwlet gurluşyny berkitmekde, halkara giňişlikdäki abraýyny artdyrmakda we halkyň hal-ýagdaýyny gowulandyrmakda uly üstünlikleri gazandy” diýlip, hatda nygtalýar. Döwlet Baştutany Türkmenistanyň Gyrgyz Respublikasy bilen hemmetaraplaýyn hyzmatdaşlygynyň häzirki derejesine ýokary baha bermek bilen, iki ýurduň arasyndaky dostlukly gatnaşyklary ösdürmekde Sadyr Žaparowyň uly şahsy goşandyny aýratyn belledi.
Serdar Berdimuhamedow pursatdan peýdalanyp, Gyrgyz Respublikasynyň Prezidentine berk jan saglyk, maşgala abadançylygyny we bagtyýarlyk, jogapkärli döwlet işinde uly üstünlikleri arzuw etdi.
Sadyr Žaparow 1968-nji ýylyň 6-njy dekabrynda doguldy. Ol 2021-nji ýylyň 28-nji ýanwaryndan bäri Gyrgyzystanyň Prezidenti wezipesini eýeleýär. 2020-nji ýylyň 10-njy oktýabryndan 2021-nji ýylyň 21-nji ýanwaryna çenli ýurduň premýer-ministri boldy.
