OpenAI baýramçylyklar mynasybetli emeli aň pudagynda birnäçe anons geçirer. 12 günüň dowamynda kompaniýa wideo modelleri ýa-da baýramçylyklara bagyşlanan funksiýalar ýaly bu ugurda täze işläp taýýarlamalary hödürlär. OpenAI-yň baş müdiri Sem Altman bu barada DealBook konferensiýasynda aýtdy we her günüň bir täze anonsa bagyşlanjakdygyny belledi diýip, The Verge habar berýär.
Kompaniýa ýetip gelýän Roždestwo mynasybetli 12 günlük reliz marafonyny gurnaýar. Shipmas diýlip atlandyrylan aksiýa 5-nji dekabrda başlaýar.
Esasy täzelikleriň biriniň tekst beýanynyň esasynda wideo döretmek üçin niýetlenen Sora modeliniň bolmagyna garaşylýar. Ýöne soňky hepdelerde bu tehnologiýanyň işlenip taýýarlanmagy dawaly mesele boldy. Synag edijiler OpenAI kompaniýasyny özlerine basyş edip, modeliň “oňyn imijini” döretmek synanyşygynda we tehnologiýany işläp taýýarlamaga gatnaşandyklary üçin kompensasiýa tölemezlikde aýyplady.
Ýene bir garaşylýan anons ChatGPT üçin baýramçylyk täzelenmesi bolar. Ulanyjylar Santanyň stilinde täze ses kömekçisiniň peýda bolmagyna yşarat edýän elementlere üns berdiler.
Mundan öň emeli aň bazarynda wideo döretmek üçin Google-yň Veo önümi peýda boldy, ýöne ol Vertex AI platformasy arkaly çäkli synag režiminde elýeterlidir.
