Prezident Serdar Berdimuhamedow Birleşen Arap Emirlikleriniň Prezidenti Şeýh Mohammed bin Zaýed Al Nahaýýana Birleşen Arap Emirlikleriniň Milli güni mynasybetli tüýs ýürekden gutlaglaryny we iň gowy arzuwlaryny iberdi diýip, TDH habar berýär.
Döwlet Baştutany Türkmenistan bilen Birleşen Arap Emirlikleriniň arasyndaky köpugurly gatnaşyklaryň netijeliligi bilen tapawutlanýandygyny aýdyp, onuň iki halkyň bähbidine mundan beýläk-de ösdüriljekdigine berk ynam bildirdi.
Prezident mümkinçilikden peýdalanyp, Prezident Şeýh Mohammed bin Zaýed Al Nahaýýana tüýs ýürekden berk jan saglyk, bagtyýarlyk, BAE-niň halkyna bolsa parahatçylyk, mundan beýläk-de ösüş hem-de rowaçlyk arzuw etdi.
“Goý, Gudraty Güýçli Allatagala Size ýurduňyzyň bähbidine gönükdirilen ähli asylly başlangyçlaryňyzda we maksatlaryňyzda medet bersin!” diýip, döwlet Baştutany hatynda belledi.
Her ýylyň 2-nji dekabrynda Birleşen Arap Emirlikleri Milli gününi baýram edýär. Baýram şeýle hem Al-Ittihad güni diýlip hem mälimdir. Bu senede 1971-nji ýylda Şernamalaýyn Omanyň (Pars aýlagynyň günorta kenaryndaky şeýhlikleriň birleşigi) ýedi Emirliginiň altysy Birleşen Arap Emirlikleri atly federasiýanyň döredilendigini yglan etdiler. Ýedinji Emirlik - Ras-el-Haýma 1972-nji ýylyň 10-njy fewralynda oňa goşuldy.
