Aşgabatda Durnukly ulagyň dostlary toparynyň ikinji ministrler maslahaty geçirildi

  • 28.11.2024 17:25
  • 2.1k+

27-nji noýabrda Aşgabatda “Arçabil” myhmanhanasynda Durnukly ulagyň dostlary toparynyň ikinji ministrler maslahaty geçirildi. Ol «Halkara ulag-üstaşyr geçelgeleri: özara arabaglanyşyk we ösüş – 2024» atly halkara maslahatynyň we serginiň çäginde guraldy diýip, Türkmenistanyň DIM-nde habar berdiler.

Duşuşyga Türkmenistanyň degişli ministrlikleriniň we ulag edaralarynyň ýolbaşçylary we wekilleri, şeýle hem Durnukly ulagyň dostlary toparynyň daşary ýurt agza ýurtlary, halkara we sebit guramalary, hususan-da BMG-niň ýöriteleşdirilen guramalary, Topara agza ýurtlaryň diplomatik wekilhanalarynyň ýolbaşçylary we wekilleri, ulag pudagynyň bilermenleri, şeýle hem köpçülikleýin habar beriş serişdeleri gatnaşdylar.
Duşuşykda Ministrler Kabinetiniň ýanyndaky Ulag we kommunikasiýalar agentliginiň Baş direktory M.Çakyýew, Türkmenistanyň Daşary işler ministriniň orunbasary A.Gurbanow, Hytaýyň Türkmenistandaky ilçisi Sýan Naýçen, BMG-niň Ösüşi utgaşdyryş edarasynyň (UNDCO) Ýewropa we Merkezi Aziýa boýunça sebitleýin müdiri hanym Gwi-Ýeop Son, BMG-niň Ýewropa ykdysady komissiýasynyň ýerine ýetiriji sekretarynyň orunbasary D. Marýasin, şeýle hem BMG-niň Aziýa-Ýuwaş umman sebiti üçin ykdysady komissiýasynyň (ESCAP) Ýerine ýetiriji sekretarynyň orunbasary Lin Ýan çykyş etdiler.
Duşuşygyň dowamynda taraplar dünýä derejesinde ulag ulgamlarynyň durnukly ösüşi babatynda täze täsirli çözgütleriň işlenip düzülmegini goşmak bilen, Durnukly ulagyň dostlary toparynyň işini has hem kämilleşdirmegiň mümkinçiliklerine garadylar.
Durnukly ulagyň dostlary toparyna goşulmak islegini mälim eden täze agza ýurtlary kabul etmek meselesine hem garaldy.
Duşuşygyň gün tertibine laýyklykda, gatnaşyjylar Türkmenistanyň başlangyjy bilen Birleşen Milletler Guramasynyň Baş Assambleýasy tarapyndan 2014, 2015, 2017, 2021 we 2023-nji ýyllarda kabul edilen durnukly ulag boýunça Kararnamalarynda berkidilen wezipeleriň ýerine ýetirilişini ara alyp maslahatlaşdylar.
Duşuşygyň dowamynda gatnaşyjylar dünýä we sebit derejesinde durnukly ulag ulgamlaryny ösdürmegiň mümkinçiliklerini ara alyp maslahatlaşdylar we BMG-niň 2026–2035-nji ýyllaryň «Durnukly ulagyň onýyllygyna» taýýarlyk görmek üçin tagallalary birleşdirmegiň zerurdygyny bellediler.
Durnukly ulagyň dostlary toparynyň ikinji ministrler maslahatynyň netijeleri boýunça Jemleýji jarnama kabul edildi.


düýn 12:32
2.8k+

Raşid Meredow Gambiýanyň, Angolanyň we Saud Arabystanynyň daşary işler ministrleri bilen gepleşikleri geçirdi

26-njy noýabrda Türkmenistanyň daşary işler ministri Raşid Meredow dekabrda Aşgabatda geçiriljek Halkara forumyň guramaçylygyna degişli meseleler boýunça daşary ýurtly kärdeşleri bilen telefon arkaly söhbetdeşlikleri geçirdi...

düýn 12:26
6.4k+

Hazarda 2026-njy ýylda bekre balyklaryň önümçilik maksatly tutulmagyna ýol berilmezlik boýunça çözgüt kabul edildi

24–26-njy noýabrda Aşgabatda Türkmenistanyň Hazar deňzi institutynda Hazar deňziniň suw biologik serişdelerini gorap saklamak, rejeli peýdalanmak we olaryň bilelikdäki gorlaryny dolandyrmak baradaky toparyň 9-njy mejlisi geçirildi...

düýn 12:21
1.6k+

Türkmenistan Halkara Sergiler Býurosynyň Administratiw–býujet komitetiniň agzalygyna saýlandy

25-nji noýabrda Türkmenistanуň Halkara Sergiler Býurosynyň (BIE) ýanyndaky wekili, ilçi M.Çaryýew Pariž şäherinde BIE-niň Baş Assambleýasynyň 177-nji sessiýasyna gatnaşdy. Bu barada Türkmenistanyň DIM-nde habar berdiler...

düýn 10:26
4.2k+

Türkmenistan bilen Gazagystan Temirbaba we Bekdaş aralygynda ýerasty optiki-süýümli aragatnaşyk ulgamyny gurar

Astana şäherinde Türkmenistanyň aragatnaşyk ministri Hajymyrat Hudaýgulyýew bilen Gazagystanyň Premýer-ministriniň orunbasary – emeli aň we sanly ösüş ministri Žaslan Madiýewiň arasynda gepleşikler geçirildi. Duşuşyk Türkmenistanyň Prezidentiniň Gazagystana döwlet saparynyň çäklerinde boldy...