Arkadag şäheriniň gurluşygy Ýewropa Hil barlaglary jemgyýetiniň halkara hil baýragyna mynasyp boldy. Bu barada Türkmenistanyň Prezidentiniň ýanyndaky Arkadag şäheriniň gurluşygy boýunça döwlet komitetiniň başlygy D.Orazow Türkmenistanyň Halk Maslahatynyň Başlygy Gurbanguly Berdimuhamedowa habar berdi. Bu barada TDH ýetirýär.
Türkmen halkynyň Milli Lideri 26-njy noýabrda Arkadag şäherine iş saparyny amala aşyrdy. Şol saparyň çäklerinde geçirilen iş maslahatynda D.Orazow degişli baýragy kabul etmek we bu ugur boýunça tejribe alyşmak maksady bilen, Arkadag şäheriniň wekiliýetini Awstriýa Respublikasyna iş saparyna ugratmaga Türkmenistanyň Prezidentinden rugsat soramak baradaky haýyş bilen ýüzlendi.
Gurbanguly Berdimuhamedow D.Orazowyň haýyşyny Türkmenistanyň Prezidentine ýetirjekdigini aýtdy.
