Google-yň Gemini çat-boty ulanyjynyň durmuşy, işi we halaýan zatlary baradaky maglumatlary ýatda saklamaga mümkinçilik berýän ýat funksiýasyna eýe boldy. Bu mümkinçilik Gemini-niň web wersiýasyndaky ulanyjylaryň çäkli mukdary üçin elýeterlidir.
ChatGPT-de şuňa meňzeş funksiýa eýýäm ulanylýar, bu çat-bot bilen aragatnaşyk kontekstini giňeltmäge mümkinçilik berýär. Ulanyjy, mysal üçin, çat-bot bilen söhbetdeşliginde halaýan iýmitlerini agzap biler, soň bolsa restoran gözläninde Gemini bu maglumatlary tekliplerinde göz öňünde tutar we amatly wariantlary hödürlär.
Ýat funksiýasy Google One AI Premium-iň abonentleri üçin aýda 20 dollar. “Ýadyň” diňe Gemini web wersiýasynda peýda bolandygy we iOS hem-de Android üçin ykjam programmalarda entek ýokdugy bellendi. Mundan başga-da, ol häzirki wagtda diňe iňlis dilindäki talaplary goldaýar.
Şeýle-de bolsa, funksiýa islendik wagt ýapylyp biler. “Ýatlamalar” pozulýança saklanýar.
Google-yň wekili TechCrunch neşirine: "Siziň ýatda saklanan maglumatlaryňyz hiç ýere geçirilmeýär we modele öwretmek üçin ulanylmaýar" – diýip habar berdi.
