Saudlar hökmünde belli bolan Saud Arabystanynyň dolandyryjy şa nesilşalygy dünýäniň iň baý patyşa maşgalasydyr. Olaryň arassa kapitaly 1,4 trln ABŞ dollaryna barabar. Bu bolsa Ilon Maskyň we Bill Geýtsiň baýlygyny bilelikde alanyňdan hem dört esse köpdür.
Deňeşdirmek üçin, dünýäniň iň baý adamy Ilon Maskyň baýlygy ABŞ-nyň 304 mlrd dollaryna ýetýär, Microsoft-yň esaslandyryjysy Bill Geýtsiň baýlygy bolsa 105 mlrd dollara barabar diýip, Express ýazýar.
Saudlaryň baýlygy, esasan, nebitiň uly gorlary bilen baglanyşyklydyr. Olaryň kaşaň durmuşy köp sanly köşkleri, hususy uçarlary, gämileri we ýokary bahaly sungat eserleriniň kolleksiýasyny öz içine alýar.
Saud Arabystanynyň patyşa maşgalasy çen bilen 15 müň agzadan ybarat, baýlygyň esli bölegi bolsa 2 müň töweregi agzanyň elinde jemlenýär.
Häzirki wagtda Saud Arabystanynyň patyşasy 2015-nji ýyldan bäri dolandyrýan Salman bin Abdul-Aziz Al Sauddyr. Onuň ogullarynyň biri Muhammed bin Salman premýer-minist wezipesini eýeleýär. Maşgala uly satyn alyşlary işjeň alyp barýar, olaryň arasynda 300 mln dollara Fransiýadaky Chateau Louis XIV jaýy, 450 mln dollara Leonardo da Winçiniň “Dünýä halasgäri” suraty we 500 mln dollarlyk gämi bar.
