Nýu-Ýork uniwersitetiniň alymlary tarapyndan geçirilen täze barlag ýadyň diňe beýnä häsiýetli däldigini subut etdi. Nature Communications-de çap edilen makalada - gaýtalamak arkaly öwrenmek bedeniň ähli öýjükleri üçin esasy bolup biler - diýip bellenýär.
Neýrobiolog alym Nikolaý Kukuşkin: "Öwrenmek we ýatlamak adatça beýni bilen baglanyşyklydyr, ýöne biziň barlagymyz bedenimizdäki beýleki öýjükleriň hem öwrenmäge we ýatlamalary döretmäge ukyplydygyny subut edýär" – diýip nygtaýar.
Barlaghana şertlerinde barlagçylar beýnä degişli däl öýjükleri himiki impulslara sezewar etdiler. Netije bu öýjüklerde ýadyň emele gelmegi bilen baglanyşykly genleriň işjeňleşendigini görkezdi.
"Üç minutlyk impuls “ýadyň genini" bary-ýogy birki sagat we dört impuls bolsa birnäçe günlük işjeňleşdirdi " – diýip, alym belledi.
Kukuşkiniň sözlerine görä, bu açyşlar ýat bilen baglanyşykly keselleri öwrenmäge bolan çemeleşmäni üýtgedip, olary bejermegiň usullaryny kämilleşdirip biler.
“Ýat diňe beýnide däl, eýsem tutuş bedenimizde bar. Bedeni bütewi ýat ulgamy hökmünde göz öňünde tutmalydyrys. Mysal üçin, aşgazan asty mäzimiziň sagdyn ganyň glýukoza derejesini saklamak üçin öňki naharlarymyzy ýada salmagyny ýa-da himiýa bejergisiniň görnüşini ýada salýan rak öýjügini göz öňüne getiriň "-diýip, alym netije çykardy.
