Alymlar Hakasiýadaky Sabanihanyň arheologik ýadygärliginden, takmynan, 35-30 müň ýyl töweregi ýaşy bolan derýa daşlaryndan ýasalan gadymy bezegi tapdylar. Muny Russiýanyň Ylymlar akademiýasynyň Sibir bölüminiň Arheologiýa we etnografiýa institutynyň Daş asyry arheologiýasy bölüminiň müdiri Mihail Şunkow mälim etdi diýip, TASS ýazýar.
“Bu ortaky Ýeniseý Sabaniha mekanyndaky gyzykly ýadygärlik. Ol uzak wagt bäri öwrenilip gelinýär, indi bu gözlegler täze hil tapgyryna çykdy. Ýadygärlik ýokarky paleolit döwrüne degişlidir. Bu ýerde gaty täsin açyş edildi. Ol şeýle irki döwre üçin gaty seýrek we üýtgeşik açyş boldy. Tapyndylar iki tarapy ýalpyldawuk daşlar bolup, olarda geometrik şekiller we bezegler ulanylýar. Geljekde ony okamaga we düşündirmäge synanyşarys" diýip, Şunkow aýtdy.
Onuň sözlerine görä, tapyndy sebitiň gadymy ilatynyň ilkinji estetiki pikirlerine şaýatlyk edýän bezegdir.
“Bularda sebit üçin gadymy ilatyň mukaddes pursatlarynyň we estetiki zerurlyklarynyň beýanyny görýäris. Bu indi günortada, Altaýda açylan iň gadymy sungat eserleriniň içinde juda gyzyklysy" diýip, alym sözüniň üstüne goşdy.
Sabaniha ýadygärligi ozal arheologlara, takmynan, 25 müň ýyl ýaşy bolan daş we süňk tapyndylar ýygyndysyny berdi. Bu ýerden derileri we süňkleri işlemek üçin gadymy ussahana hem tapyldy.
