Awstraliýanyň “Lunaria One” startap kompaniýasy Amerikanyň “Intuitive Machines" hususy kosmos kompaniýasynyň 2025-nji ýyla meýilleşdiren Aý missiýasyna gatnaşar. Lunaria One Ýeriň tebigy hemrasynyň üstünde, ýagny Aýda ösümlikleri ösdürip ýetişdirmek boýunça synaglary geçirmäge taýýarlanýar diýip, The Guardian gazeti ýazýar.
Missiýanyň çäginde “Lunaria One” kompaniýasy “Intuitive Machinesiň" Aý modulyna tohum we ösümlikler bilen ýörite kapsula ýerleşdirer. Kapsula Aýa barmak üçin 380 müň kilometr aralygy geçmeli bolar.
“Lunaria One-yň" direktory Loren Felliň pikiriçe, ALEPH diýlip atlandyrylýan synag ösümlikleriniň uzak möhletleýin saklanyşa, işe girizilende, ýer üstündäki daşky şertlere we Aýyň temperaturasynyň üýtgemegine, ýagny Aýyň -130° C-dan 120° C-a çenli çydap biljekdigini barlag ederler.
Taslamanyň ylmy geňeşçisi Awstraliýa uniwersitetiniň bioinžener professory Keýtlin Birt bu missiýanyň aşa ýiti şertlerde fotosintetik organizmleriň mümkinçiliklerini öwrenmäge kömek etjekdigini aýtdy.
Häzirki gözlegler geljekki Aý we Mars missiýalary üçin hem-de iýmit we Ýeriň daşyndaky beýleki çeşmeleri döretmek üçin peýdaly bolup biler. Mundan başga-da, alymlaryň pikirine görä, kosmos täzelikleri oba hojalygynda planetamyz üçin peýdaly bolup biler. Meselem, tebigy ýa-da tehnogen betbagtçylygyndan soň azyk önümlerini ösdürip ýetişdirmek islegimiz bolup biler.
