Hindistanly inžener Ilon Maskyň Tesla kompaniýasyna 500 hat ugradyp, ahyrynda ol ýerde iş tapdy. Bu barada ol Mint neşiri bilen söhbetdeşlikde aýtdy.
Druw Loýýa ABŞ-a ilkinji gezek talyp hökmünde halkara maksatnamasy arkaly geldi. Ol amerikan uniwersitetiniň diplomyny gowy ortaça bal bilen aldy. Okuwy gutarandan soň, birnäçe IT kompaniýalarda tölegsiz tejribelik geçdi. Ýöne rezýumesiniň gowudygyna garamazdan, ol iş tapyp bilmedi. Bäş aýlap Loýýa dostlarynyň öýünde boldy, sosial ätiýaçlandyryşy bolmazdan ýaşady we wizasynyň möhletiniň gutarmagy sebäpli deportasiýa edilmeginden gorkdy.
Ahyrynda ol islendik ýol bilen dünýäde iň meşhur elektrokarlary öndürijileriň biri bolan milliarder Ilon Maskyň Tesla kompaniýasynda iş tapmaly diýen karara gelýär. Loýýa boş iş orunlaryna 300 gezekden köp seslenýär, kompaniýanyň dürli bölümlerine 500 töweregi hat iberýär, şeýle-de bäş aýyň dowamynda 10-a golaý söhbetdeşlik geçirýär. Netijede, onuň yhlasy miwe berýär: ol kompaniýadan teklip alyp, tehniki goldaw hünärmeni bolýar.
Druw Loýýanyň bu wakasy dürli kynçylyklara garamazdan öz maksadyna tarap ymtylýanlar üçin höweslendiriji mysaldyr. Onuň tutanýerliligi, özüne bolan ynamy we ahyryna çenli göreşmäge taýýarlygy üstünlige we häzirki döwrüň iň innowasion kompaniýalarynyň birinde iş almagyna getirdi.
