Türkiýe bilen Türkmenistanyň ikitaraplaýyn söwdasy ýanwar-awgust aýlarynda 1,532 mlrd dollara ýetdi

  • 31.10.2024 13:23
  • 2.6k+

2024-nji ýylyň ilkinji sekiz aýynda Türkiýe bilen Türkmenistanyň arasyndaky ikitaraplaýyn söwdanyň möçberi 1,532 mlrd dollara barabar boldy, bu geçen ýylyň degişli döwri bilen deňeşdirilende, 16% köpdür. Şeýle maglumatlary Türkiýäniň Türkmenistandaky ilçisi Ahmet Demirok “Neýtralnyý Turkmenistan” gazetindäki makalada getirýär.

Wekil geçen ýylyň jemi boýunça umumy söwda möçberiniň 2,6 mlrd dollar bolandygyny we indi ýurtlaryň bu mukdary iki esse artdyrmagy maksat edinýändigini belledi.

“Biz ýakyn geljekde döwlet Baştutanlarymyzyň ýolbaşçylygynda öňde goýlan umumy maksada – bäş milliard dollarlyk söwda dolanyşygyna ýeteris diýip pikir edýäris” – diýip, ilçi aýtdy.

Onuň sözlerine görä, yzygiderli ýokary derejeli saparlar ykdysady gatnaşyklaryň pugtalanmagyna ýardam etdi. Hususan-da, ol Türkmenistanyň Prezidenti Serdar Berdimuhamedowyň 2023-nji ýylyň oktýabr aýynda Türkiýä amala aşyran saparyny, şeýle-de Halk Maslahatynyň Başlygy Gurbanguly Berdimuhamedowyň III Antalýa diplomatiýa forumyna gatnaşmagyny belläp geçdi. Türkiýäniň wise-prezidenti Jewdet Ýylmazyň hem geçen ýylyň dekabr aýynda Aşgabat şäherine eden sapary netijeli boldy, onuň dowamynda 150-ä golaý türk işewüriniň gatnaşmagynda işewürlik forumy gurnaldy.

“Türkmenistan garaşsyzlygyny alany bäri türk kompaniýalary Türkmenistanda müňden gowrak taslamany üstünlikli tamamlady. Bu Türkmenistanyň türk kompaniýalaryna bolan ynamyny görkezýär. Türk kompaniýalary Türkmenistanda elektrik stansiýalary, elektrik geçirijiler, awtomagistral, ýaşaýyş jaýlary, söwda merkezleri, uniwersitetler, mekdepler, jemgyýetçilik binalary, myhmanhanalar, fabrikalar, muzeýler, seýilgähler, hassahanalar we port gurluşygy ýaly tehnologiýalary talap edýän möhüm infrastruktura taslamalaryny durmuşa geçirdi” – diýip, Demirok belledi.

Ol häzirki wagtda türk kompaniýalary tarapyndan 4,4 mlrd dollarlyk 19 taslamanyň durmuşa geçirilýändigini aýdyp, olaryň Arkadag “akylly” şäheriniň ikinji tapgyrynyň we “Aşgabat-sitiniň” gurluşygy ýaly täze iri taslamalara mundan beýläk-de gatnaşjakdygyna umyt bildirdi. 


düýn 22:01
699

Türkmenistanyň ylmy wekiliýeti Rimde möhüm senelere bagyşlanan çärelere gatnaşdy

25-nji noýabrda Türkmenistanyň Ylymlar akademiýasynyň Prezidenti A.Aşirowyň ýolbaşçylygyndaky türkmen wekiliýeti Italiýada ýerleşýän Palasso Walentini köşgünde geçirilen halkara maslahata gatnaşdy. Türkmenistanyň...

düýn 09:25
877

Türkmenistan YHG-nyň daşary işler ministrleriniň geňeşiniň 29-njy mejlisinde çykyş etdi

Daşary işler ministriniň orunbasary Ahmet Gurbanowyň ýolbaşçylygyndaky Türkmenistanyň wekiliýeti 28-nji noýabrda wideoaragatnaşyk ulgamy arkaly geçirilen Ykdysady Hyzmatdaşlyk Guramasynyň (YHG) Daşary işler ministrleriniň geňeşiniň 29-njy mejlisine gatnaşdy...

düýn 09:21
2.4k+

Almatyda Merkezi Aziýa ýurtlarynyň daşary işler ministrleriniň orunbasarlarynyň 15-nji duşuşygy geçirildi

28-nji noýabrda Almaty şäherinde Merkezi Aziýa ýurtlarynyň Daşary işler ministrleriniň orunbasarlarynyň 15-nji duşuşygy geçirildi. Duşuşyk Gazagystanyň Daşary işler ministrligi tarapyndan BMG-niň Merkezi Aziýa üçin öňüni alyş diplomatiýasy boýunça Sebit merkeziniň (UNRCCA) ýardam bermeginde guraldy diýip, Türkmenistanyň DIM-nde habar berdiler...

düýn 09:16
6.2k+

Türkmenistanda maýningi we kriptobiržalaryň işini düzgünleşdirýän kanun kabul edildi

Türkmenistanyň Prezidenti Serdar Berdimuhamedow ýurtda kriptowalýutalaryň maýningini we kriptobiržalaryň işini düzgünleşdirýän "Wirtual aktiwler hakynda" Türkmenistanyň Kanunyna gol çekdi. Resminama 2026-njy ýylyň 1-nji ýanwaryndan güýje girer diýip, «Türkmenistan» gazeti habar berýär...