Tesla sürüjisiz taksi hyzmatyny işe girizdi

  • 27.10.2024 09:25
  • 7.3k+

Tesla-nyň baş müdiri Ilon Mask kompaniýanyň sürüjisiz taksileri onlaýn sargyt etmek hyzmatyny hödürläp başlandygyny, ýöne häzirki wagtda hyzmaty diňe Tesla-nyň işgärleriniň ulanyp bilýändigini habar berdi. Sürüjisiz taksileriň köpçülikleýin önümçiligi ýene iki ýyldan başlap biler, ýöne Tesla eýýäm täze platformasyny synagdan geçirýär.

“Aýlag sebitinde Tesla-nyň işgärleri üçin biziň taksi sargyt etmek hyzmatymyz bar. Siz programmany ulanyp, awtomobil sargyt edip bilersiňiz we ol sizi aýlag sebitiniň islendik nokadyna elter” – diýip, Mask aýtdy we kompaniýanyň ony indiki ýyl köpçülik üçin açmagy meýilleşdirýändigini belledi. Bu proses, ilkinji nobatda, sürüjisiz dolandyryşy synagdan geçirmek üçin ygtyýarnama talap etmeýän Tehasdan başlar.

Şeýle-de, Tesla bu hyzmaty Kaliforniýada hödürlemegi meýilleşdirýär, ýöne munuň üçin goşmaça ygtyýarnamalaşdyryş gerek bolar. Kompaniýa geljekde bu hyzmaty hödürlemek üçin beýleki käbir ştatlary-da gözden geçirýär.
Tesla heniz Kaliforniýada hakyky sürüjisiz synaglary geçirmek üçin ygtyýarnama almady. Kompaniýanyň elindäki ygtyýarnama diňe sürüjiniň salonda gözegçilik etmeginde synag geçirmäge mümkinçilik berýär. Diýmek, Tesla synaglar üçin bar bolan awtoparkyny ulanar, bu ýerde dolandyryş işine sürüjiler gözegçilik edýär.
Mask ýolagçylaryň şahsy maglumatlarynyň taksi ulaglary bilen sinhronlanjakdygyny aýtdy. Bu ýolagçy gapyny açan badyna, awtomobilde multimedia, nawigasiýa we hatda kondisioner sazlamalarynyň elýeterli boljakdygyny aňladýar. Ýolagçylara awtomobili dolandyrmak üçin maglumat-güýmenje ekranyndan peýdalanmak gerek däl, bu funksiýalaryň ählisini gönüden-göni Tesla programmasyndan dolandyryp bolýar.


28.05.2025 20:50
2.1k+

Nýurburgringde täze Tesla Model Y Performance göründi: ol modeliň iň çalt wersiýasy bolar

Tesla kompaniýasy «Model Y Performance-iň» täze wersiýasyny synag edýär. Prototip meşhur Nýurburgring ýaryş ýolunda görüldi. Bu model elektrokrossoweriň iň çalt we tehnologiki taýdan iň kämilleşdirilen wersiýasy bolar...

26.05.2025 15:02
4.8k+

BYD aprel aýynda Ýewropada ilkinji gezek elektromobil satuwy boýunça Tesla-dan öňe geçdi

2025-nji ýylyň aprel aýynda Hytaýyň BYD kompaniýasy Ýewropada elektromobil satuwy boýunça ilkinji gezek Tesla-dan öňe geçdi. Muňa gümrük paçlary-da, transport çykdajylary-da päsgel bermedi diýip, Jato Dynamics-iň maglumatlaryna salgylanyp, Bloomberg ýazýar...

13.05.2025 12:22
2.7k+

Tesla ulanylan Model 3 we Model Y awtoulaglaryny 257 müň km-e çenli kepillik bilen hödürleýär

Tesla ulanylan «Model 3» we «Model Y» elektromobillerini giňeldilen kepillik bilen satuwa çykardy. Kompaniýa batareýa we hereketlendiriji ulgamy üçin, 160 müň mile (takmynan, 257 müň kilometre) çenli kepillik berýär diýip, «Carscoops» neşiri habar berýär...

13.05.2025 10:42
6k+

Ilon Mask: Hytaý 2025-nji ýylda ulag satuwy boýunça ABŞ-dan we Ýewropadan öňe geçer

Hytaý 2025-nji ýylda ilkinji gezek umumy awtomobil satuwy boýunça ABŞ-dan we Ýewropadan öňe geçer diýip, Ilon Mask aýdýar. X sosial ulgamyndaky sahypasynda Tesla-nyň ýolbaşçysy bu ýurduň eýýäm birnäçe ýyl bäri adaty liderleriň yzyndan ýetip, ulag önümçiliginde öňdebaryjydygyny belledi...