Tesla kompaniýasy resmi taýdan öz meşhur modelleriniň — Model S sedanynyň we Model X krossoweriniň önümçiligini bes etdi. Soňky awtoulaglar Fremont konweýer liniýasyndan çykaryldy we bu brendiň taryhyndaky möhüm bölümiň soňlanandygyny alamatlandyrdy.
Alyjylar indi awtoulaglary diňe ammardaky bar bolan ätiýaçlyklardan satyn alyp bilýärler. Bu karar kompaniýanyň gymmat, meşhur flagman awtoulaglaryny öndürmeklikden köpçülikleýin býujet modellerini öndürmäge we täze tehnologik ösüşleri işläp düzmäge gutarnykly geçýändigini nygtaýar.
14 ýyllap öndürilen Model S bir wagtlar dünýä bazaryna elektrik awtoulagynyň çalt we uzak aralyga ýetip biljekdigini subut etdi. Model X özüniň özboluşly Falcon Wing gapylary bilen tanalmaga başlapdy. Şeýle-de bolsa, soňky ýyllarda bazaryň ileri tutulýan ugurlary üýtgedi: 2025-nji ýylda Model 3-iň we Model Y-yň satuwy 1,6 million birlige ýetdi, Model S-iň we Model X-iň paýy bolsa bary-ýogy 50 000 töweregi boldy.
Frimont zawodynda boşadylan önümçilik kuwwaty Ilon Mask tarapyndan ozal yglan edilen Optimus gumanoid robotlarynyň önümçiligi ýaly täze taslamalar üçin ulanylar.
