Aşgabatda "Sanly çözgüt - 2024" innowasiýa taslamalarynyň bäsleşiginiň saýlama tapgyry başlandy. Çäre "Türkmenaragatnaşyk" agentliginiň binasynda geçirilýär we programma üpjünçiligini, ylmy açyşlary we oýlap tapyşlary işläp düzýän zehinli ýaşlary goldamaga gönükdirilendir diýip, agentligiň resmi saýtynda habar berilýär.
Bäsleşik ýedi ugur boýunça geçirilýär:
- emeli aň
- robotlaryň tehnikasy we awtomatizasiýa
- akylly oba hojalyk tehnologiýalary
- "Akylly şäher"
- bilim we elektron okuw
- sanly lukmançylyk
- hyzmat ediş ulgamy.
Degişli ministrlikleriniň we edaralarynyň wekillerinden ybarat bolan emin agzalary taslamalary birnäçe ölçegler boýunça baha bererler. Olaryň arasynda durmuş-ykdysady şertlerde (sanly çözgütleri) ornaşdyrmagyň mümkinçiligi we derwaýyslygy, ykdysady netijeliligi, oýlap tapyşyň hili, dizaýny we ulanmak amatlylygy, aragatnaşyk we telekommunikasiýa ulgamlaryny ösdürmekde innowasiýa usullaryny ulanmak bar.
Bäsleşigiň ýeňijileri Aşgabatda 14-16-njy noýabrda geçiriljek "Türkmentel-2024" halkara maslahatynyň we sergisiniň çäklerinde mälim ediler.
