Hytaý Weneranyň atmosferasynyň nusgalaryny Ýere getirmegi meýilleşdirýär. SpaceNews-yň habar bermegine görä, şeýle missiýa 2050-nji ýyla çenli kosmos ylmyny ösdürmegiň täze Milli meýilnamasynda göz öňünde tutulandyr.
Hytaý Ylymlar akademiýasynyň wise-prezidenti Din Çibýao öňdebaryjy kosmos döwleti statusyna eýe bolmak üçin meýilleşdirilen işleriň doly ýerine ýetirilmelidigini aýtdy. Strategiýa üç tapgyry öz içine alýar.
2027-nji ýyla çenli tamamlanjak birinji tapgyrda eýýäm tassyklanan taslamalaryň durmuşa geçirilmegi göz öňünde tutulýar.
Çibiao ikinji tapgyryň (2028-2035) Tianwen-4 missiýasynyň Ýupitere uçurylmagyny, Halkara Aý barlag stansiýasynyň (ILRS) gurluşygyny we Weneranyň atmosferasyndan nusgalary äkelmegi öz içine aljakdygyny aýtdy.
2036-njy ýyldan 2050-nji ýyla çenli döwri öz içine alýan jemleýji tapgyr, kosmos ylmy we barlag işlerinde dünýä liderligini gazanmagy maksat edinýär.
