Türkmenistanyň Mejlisiniň deputatlary Türkiýäniň parlamentarileri bilen duşuşdylar

  • 24.10.2024 12:02
  • 3.6k+

Türkmenistanyň Mejlisiniň deputatlarynyň wekiliýeti Türkmen-Türk parlamentara dostluk toparynyň mejlisine gatnaşmak üçin 20-25-nji oktýabr aralygynda Türkiýä iş saparyny amala aşyrýar. Bu barada TmCars-a Türkmenistanyň Ankaradaky diplomatik ilçihanasynda habar berdiler.

21-nji oktýabrda Türkmenistan Mejlisiniň wekiliýeti Türkiýe Respublikasynyň Hökümetiniň ýanyndaky daşary ýurtlardaky diasporalar we watandaşlar boýunça edarasynyň (YTB) başlygy Abdullah Eren bilen duşuşygy geçirildi. Duşuşygyň dowamynda, türkmen wekiliýetiniň agzalary türk tarapyny Türkmenistanyň içeri we daşary syýasatynyň esasy ugurlary, şol sanda ýurdumyzda ýaşlar syýasaty babatynda, şeýle hem ylym, bilim ugurlardaky kanunçylygyndaky özgertmeler hem-de bu ugurlarda alnyp barylýan işler bilen tanyşdyrdylar.

22-nji oktýabrda Türkiýe Respublikasynyň Beýik Millet Mejlisiniň binasynda Türkmen-Türk parlamentara dostluk toparynyň mejlisi geçirildi. Mejlisiň dowamynda, deputatlar ikitaraplaýyn hyzmatdaşlygyň häzirki ýagdaýy we geljeginiň mümkinçilikleri barada pikir alyşdylar.
Şol bir wagtyň özünde, deputatlar parlamentara dostluk toparlarynyň işini kämilleşdirmek, degişli komitetleriň arasynda hyzmatdaşlygy alyp barmagyň ugurlaryny kesgitlemek we parlamentleriň wekiliýetleriniň özara saparlaryny guramak barada pikir alyşdylar. Şol gün, Türkmenistanyň Mejlisiniň wekiliýeti Türkiýe Respublikasynyň Beýik Millet Mejlisiniň birnäçe komitetleriniň ýolbaşçylary bilen duşuşyklary hem geçirildi.
Bu ugurda, Türkiýäniň Mejlisiniň Daşary gatnaşyklar komissiýasynyň başlygy Fuat Oktaý bilen bolan duşuşygyň dowamynda, Türkmenistanyň alyp barýan parlament diplomatiýasynyň ýurdumyzyň Bitaraplyk derejesine laýyklykda üstünlikli durmuşa geçirilýändigi bellenildi.
Soňra, Türkiýäniň Mejlisiniň Içeri işler baradaky komissiýasynyň başlygy Süleýman Soýlu bilen geçirilen duşuşykda doganlyk ýurtlaryň arasyndaky ikitaraplaýyn we köptaraplaýyn hyzmatdaşlygyň gün tertibindäki meseleler ara alnyp maslahatlaşyldy.
23-nji oktýabrda Türkmenistan Mejlisiniň wekilleriniň Türkiýe Respublikasynyň Daşary işler ministriniň orunbasary Nuh Ýylmaz bilen hem duşuşygy boldy. Duşuşykda, döwletara gatnaşyklary pugtalandyrmagyň hem-de syýasy, söwda-ykdysady, medeni-ynsanperwer ugurlarda ikitaraplaýyn hyzmatdaşlygy giňeltmegiň geljegi ara alnyp maslahatlaşyldy.

Saparyň çäklerinde Türkmenistanyň Mejlisiniň wekiliýeti Türkiýäniň düýbüni tutujy we ilkinji Prezidenti Mustafa Kemal Atatürküň Ankarada ýerleşýän aramgähine gül goýmak dabarasyna gatnaşdylar, şeýle hem ol ýerde hormatly myhmanlar kitabyna ýazgy goýdylar.
Şeýle hem, Türkiýe Respublikasyna amala aşyrylan saparyň çäklerinde Türkmenistanyň wekiliýeti Magtymguly Pyragynyň ýadygärligini hatyralamak üçin Ankara şäheriniň «Türkmenistan» seýilgähinde ýerleşýän türkmen edebiýatynyň nusgawy şahyry we akyldarynyň ýadygärligine gül çemenini goýdylar.


şu gün 12:25
1k+

Daşkentde Merkezi Aziýanyň Adalatçylarynyň çagalaryň hukuklary boýunça maslahaty geçirildi

11-12-nji sentýabrda Daşkent şäherinde “Merkezi Aziýada çagalaryň hukuklaryny goramagyň mehanizmlerini pugtalandyrmagyň derwaýys meseleleri: Çaganyň hukuklary boýunça ygtyýarly wekilleriň sebitleýin hyzmatdaşlygy” atly halkara forum geçirildi...

şu gün 11:48
2.6k+

Türkmenistan Azerbaýjanda guruljak metjidiň taslamasyny düzmek boýunça bäsleşik yglan etdi

Türkmenistanyň Gurluşyk we binagärlik ministrligi Azerbaýjanyň Fizuli şäherinde metjidiň taslamasyny düzmek we gurmak üçin kotirowka görnüşde bäsleşik yglan etdi. Bu barada «Türkmenistan» gazetinde habar berildi...

şu gün 10:31
3.1k+

Raşid Meredow Dohada Kataryň döwlet ministri bilen duşuşdy

14-nji sentýabrda Dohada Türkmenistanyň wise-premýeri, daşary işler ministri Raşid Meredow Kataryň halkara hyzmatdaşlyk boýunça döwlet ministri Mariam bint Ali bin Nasser Al-Misnad bilen duşuşdy. Duşuşyk Kataryň paýtagtynda duşenbe güni geçirilmegi meýilleşdirilen adatdan daşary arap-yslam sammitine taýýarlyk duşuşygynyň çäklerinde geçirildi diýip, Orient habar berýär...

şu gün 09:07
1.7k+

Aşgabatda Dünýä türkmenleriniň ynsanperwer birleşiginiň XXVI maslahaty geçirildi

13-nji sentýabrda Aşgabatda Jemgyýetçilik guramalarynyň merkezinde Dünýä türkmenleriniň ynsanperwer birleşiginiň XXVI maslahaty geçirildi. Maslahatyň işine daşary döwletleriň birnäçesinde kowçum bolup ýaşaýan türkmenleriň wekilleri, Diýarymyzyň dürli künjeklerinden gelen wekiliýet toparlary gatnaşdylar...