BMW kompaniýasy Neue Klasse hatarynyň çäginde geljekki benzinli we elektrik modelleri üçin umumy dizaýnyň giriziljekdigini yglan etdi diýip, 32Cars.ru habar berýär.
Maglumatlara görä, içinden ýandyrylýan hereketlendirijisi bolan awtoulaglar elektromobillerden daşky görnüşi boýunça tapawutlanmaz. Bu çözgüt brendiň häsiýetli elementleri bolan Vision Neue Klasse we Vision Neue Klasse X modelleriniň görkezilmegi bilen tassyklandy.
Mundan başga-da, Neue Klasse dizaýnyndaky täzelenen BMW X5-iň prototipi synag wagtynda göze ildi.
BMW-niň baş dizaýneri Adrian wan Hoýdonk täze dizaýnyň ähli modeller üçin umumy dizaýn boljakdygyny aýtdy.
Garaşylýan modelleriň önümçilik wersiýalary görkezilen awtoulaglar bilen deňeşdirilende birneme kiçi bolar, ýöne olar esasy dizaýn aýratynlyklaryny özünde jemlärler.
