ABŞ-nyň Tafts uniwersitetiniň alymlary öz agramyndan 80 esse agyr zatlary göterip bilýän emeli kerebi döretdiler. Bu tehnologiýa iňňeden atylýan, ýüplük görnüşinde gataýan we zatlara ýelmeşýän suwuk materialy ulanýar.
Tehnologiýanyň esasy elementi, ýüpek gurçugynyň pilelerinden alnan fibroine dofaminiň we hitozanyň goşulmagydyr. Bu garyndy süýümlere howa täsiri astynda gatamaga mümkinçilik berýär we berkligini ýokarlandyrýar.
Silklab barlaghanasynyň gözlegçileri süýümleri uzak aralykdan atyp, obýektlere ýapyşmaga we soňra ýokary galdyrmaga mümkinçilik berýän enjam döretdiler.
Bu innowasiýa tötänleýin döredi.
“Men ýüpek fibroini ulanyp, güýçli ýelimleri döretmek taslamasynyň üstünde işleýärdim. Aýna gap-gaçlary aseton bilen arassalanymda, aýnanyň düýbünde kerep ýaly bir materialyň emele gelendigini gördüm " - diýip, Taftsyň ylmy işgäri Marko Lo Presti gürrüň berdi.
Tötänleýin açyş, möý sapaklaryny öndürmek bilen baglanyşykly birnäçe inženerçilik meselelerini çözmäge mümkinçilik berdi.
Bu tehnologiýa güýçli ýelimleriň, çap görkezijileriniň we ýagtylyk ýygnaýjy materiallaryň döredilmegi ýaly ulanyşlarda uly ähmiýete eýedir.
