Özbegistanyň Prezidenti Şawkat Mirziýoýew 10-njy oktýabrda agşam iş sapary bilen Aşgabada geldi.
Goňşy döwletiň Baştutanyny Aşgabadyň Halkara howa menzilinde Türkmenistanyň wise-premýeri T.Atahallyýew we beýleki resmi adamlar garşyladylar.
Maksatnama laýyklykda, çäreleriň esasy bölegi şu gün, 11-nji oktýabrda geçiriler. Özbegistanyň Prezidenti Magtymguly Pyragynyň 300 ýyllygyna bagyşlanan «Döwürleriň we siwilizasiýalaryň özara arabaglanyşygy — parahatçylygyň we ösüşiň binýady» atly halkara forumyň umumy mejlisinde çykyş eder.
Özbegistanyň Prezidentiniň metbugat gullugynyň habar bermegine görä, Şawkat Mirziýoýew şeýle hem birnäçe ikitaraplaýyn duşuşyklary geçirer.
