Günorta Awstraliýa uniwersitetiniň ýolbaşçylygyndaky halkara alymlar topary Aýdaky astronawtlar üçin dessin aragatnaşyk ulgamyny döretmegiň üstünde işleýärler. NASA-nyň “Artemida” maksatnamasynyň çäklerinde Aýyň günorta polýusynda ýokary töwekgelçilikli şertlere gözegçilik etmek we halas etmek üçin tehnologiýany ulanmak meýilleşdirilýär diýip, Phys.org neşirinde çap edilen barlagda aýdylýar.
Ulgam kosmonawtlara Ýere ýa-da Aý bazalaryna maglumat iberýän hemralar toplumyny ulanyp, heläkçilik signallaryny ibermäge mümkinçilik berýär. Taslama gözleg we halas ediş üçin Ýerde ulanylýan COSPAS-SARSAT tehnologiýasynyň uýgunlaşdyrylan görnüşini ulanýar.
Taslamanyň ýolbaşçysy doktor Mark Raýsyň sözlerine görä, ulgam kraterler ýa-da daglyk ýerler ýaly, kyn ýerlerde-de 10 sagatlap üznüksiz aragatnaşygy üpjün eder.
Ulgam pes kuwwatly heläkçilik maýaklary we minimal infrastruktura şertlerinde işlemek üçin döredildi. Ol kosmos missiýalarynyň howpsuzlygyny üpjün etmekde möhüm elemente öwrüler we beýleki planetalarda şuňa meňzeş ulgamlar üçin esas bolup biler.
