“Forbes” Teýlor Swifti dünýäniň iň baý zenan sazandasy diýip atlandyrdy. Onuň baýlygy 1,6 mlrd dollar bilen bahalandyrylýar.
Swift baýlygy 1,4 mlrd dollar bolan Riannadan öňe geçdi. Şeýle-de bolsa, “Diamonds” aýdymyny ýerine ýetiriji häzirem ähli döwrüň iň baý zenan sazandasy titulyny saklaýar, sebäbi onuň baýlygy birwagtlar 1,77 mlrd dollara ýetdi.
“Forbesiň” belleýşi ýaly, Swiftiň baýlygynyň 600 mln dollary gastrollaryň we konsertleriň, ýene 600 mln dollary akym hyzmatlarynyň we goşmaça 125 mln dollary gozgalmaýan emlägiň paýyna düşýär. Şeýle-de bolsa, bu baýlygyň ep-esli bölegini täzeden ýazylan albomlar emele getirýär.
Ýatlap geçsek, aprel aýynda “Forbes” Swifti milliarderleriň reýtinginde 2545-nji orunda ýerleşdirdi. Aýdymçy diňe öz aýdymlarynyň we çykyşlarynyň hasabyna reýtinge giren ilkinji zenan milliarder boldy.
