Aýdymçy Teýlor Swift "Oýunjaklaryň taryhy 5" animasiýa filmi üçin üýtgeşik kompozisiýa ýazdy. I Knew It, I Knew You atly aýdym 5-nji iýunda çykar we filmiň resmi saundtrekine goşular.
Variety žurnalynyň habaryna görä, kompozisiýa gahryman gyz Jessä we onuň öňki bikesi Emili bilen gatnaşygyna bagyşlanýar. Disney täze eseriň Swiftiň kantri aýdym-sazlaryna gaýdyp gelmegini alamatlandyrýandygyny belledi.
Singliň multfilmiň stilinde dizaýn edilen daşky jildi hem görkezildi.
Aýdymçy öz karýerasynyň dowamynda Holliwudyň köp sanly taslamalary üçin aýdymlary ýazdyrypdy. Onuň kompozisiýalary "Açlyk oýunlary", "Çalyň elli öwüşgini: Elli öwüşginlik doýgunrak", "Pişikler" filmlerinde we "Leňňeçleriň aýdym aýdýan ýerinde" dramasynda ýaňlanypdy.
"Oýunjaklaryň taryhy 5" filminiň ýordumy Wudiniň, Bazzanyň, Jessiniň we olaryň dostlarynyň täze başdan geçirmeleri barada gürrüň berer. Bu gezek oýunjaklar täze garşydaş - täze eýeleri Banniniň ünsüni özüne çekýän planşet LilyPad bilen ýüzbe-ýüz bolarlar. Gahrymanlar Banniniň adaty oýunjaklara gyzyklanmasyny täzeden oýarmagyň ýoluny tapmaga synanyşarlar.
Filmiň dünýä derejesinde ilkinji görkezilişini 19-njy iýunda geçirmek meýilleşdirilýär.
