30-njy sentýabrda Nýu-Ýork şäherine iş saparynyň çäklerinde Türkmenistanyň daşary işler ministri Raşid Meredow BMG-niň Baş sekretarynyň Baş Assambleýanyň işleri we konferensiýa dolandyryşy boýunça orunbasary Mowses Abelýan bilen duşuşdy. Bu barada Türkmenistanyň DIM-niň metbugat gullugy habar berdi.
Duşuşygyň barşynda BMG-niň Baş Assambleýasynyň 79-njy mejlisinde wise-başlyklygyň başlanmagy mynasybetli türkmen tarapyna ýagşy arzuwlar beýan edildi. Şeýle hem taraplar Türkmenistanyň şu ýylyň sentýabr aýynda geçirilen «Geljegiň sammitine» gatnaşmagyny we onuň bölümçeleriniň birinde başlyklyk etmegini ara alyp maslahatlaşdylar.
BMG-niň çäginde bilelikdäki çäreleri guramak ara alnyp maslahatlaşylan esasy meseleleriň biri boldy.
