9 — 12-nji oktýabrda Aşgabatda «Saglygy goraýyş, bilim we sport Berkarar döwletiň täze eýýamynyň galkynyşy döwründe» atly halkara sergi geçiriler.
Türkmenistanyň Saglygy goraýyş we derman senagaty ministrligi, Bilim ministrligi, Bedenterbiýe we sport baradaky döwlet komiteti hem-de Türkmenistanyň Söwda-senagat edarasy bilelikde serginiň guramaçylary bolup çykyş edýärler.
Bu ýyl sergi Aşgabat şäher häkimliginiň Olimpiýa şäherçesiniň Dolandyryş müdirliginiň Başa-baş söweş sungaty sport toplumynyň çäginde geçiriler.
Guramaçylar Türkmenistanyň dahylly ministrlikleriniň we pudak edaralarynyň bilermenlerini hem-de hünärmenlerini, Senagatçylar we telekeçiler birleşmesiniň agzalaryny, türkmen işewürlerini, şeýle hem daşary ýurt kompaniýalarynyň wekillerini sergä çagyrýar.
Serginiň iş wagty:
- 9-njy oktýabrda sagat 13:30-dan 18:00-a çenli;
- 10-njy oktýabrda sagat 10:00-dan 18:00-a çenli;
- 11-nji oktýabrda sagat 10:00-dan 18:00-a çenli;
- 12-nji oktýabrda sagat 10:00-dan 14:30-a çenli.
9-njy oktýabrda "Sport" myhmanhanasynda daşary ýurtly alymlaryň gatnaşmagynda ylmy maslahat açylar. Maslahat 12-nji oktýabra çenli öz işini dowam eder we 19 sany tematiki bölümçelerde geçiriler.
Maslahatyň barşynda saglygy goraýyş, bilim we sport ulgamynda ileri tutulýan meseleler, innowasion tehnologiýalar we sanly lukmançylyk meseleleri maslahatlaşylar.
Habarlaşmak üçin telefon belgisi: 46-18-66.
