Türkmenistanyň Ylymlar akademiýasynyň Halkara ylmy-tehnologiýa parkynyň Biotehnologiýa bölümi "Gök-ýaşyl suwotylarynyň esasynda bionanokompozit materialynyň tehnologiýasyny işläp düzmek" boýunça awtorlyk hukugyny berýän şahadatnama aldy diýip, "Türkmenistan: Altyn asyr" elektron neşiri habar berýär.
Bu işläp taýýarlamalar çölleşmä garşy, ýel eroziýasyna we çägäniň göçmegine garşy göreş üçin niýetlenendir. Bionanokompozit material erodirlenen çäge we çöl ýerleriniň zoo- we fitomeliorasiýasy üçin, şeýle hem gurluşyk we bioenjamlary döretmekde ulanylyp bilner.
«Çägäniň göçmegi oba hojalyk ekinlerini, derýalary, suw howdanlaryny, ulag magistrallaryny we beýleki desgalary örtüp, halk hojalygyna düýpli zyýan ýetirýär" - diýip, Biotehnologiýa bölüminiň müdiri Altyn Rahmanowa belleýär. - Biz çölleşmä garşy täsirli göreş usulyny hödürledik. Onuň esasynda gök-ýaşyl suwotylaryny (sianobakteriýalar) ulanmaklyk durýar - diýip, ol belleýär.
