Astronomlar Akmaýanyň ýolunyň 1,5 milliarddan gowrak obýekti öz içine alýan has jikme-jik infragyzyl kartasyny hödürlediler. Taslama Ýewropanyň günorta obserwatoriýasynyň (ESO) VISTA teleskopynyň kömegi bilen amala aşyryldy diýip, IXBT habar berýär.
Andres Belo uniwersitetinden Dante Minnitiniň ýolbaşçylygyndaky topar galaktikanyň merkezi sebitlerine 13 ýyldan gowrak wagt gözegçilik etdi. VIRCAM infragyzyl kamerasy Akmaýanyň ýolunyň içki zolaklaryny gizleýän tozanlaryň we gazyň arasyndan “görmäge” mümkinçilik berdi.
Karta 8600 dolan Aýa barabar meýdany gurşap alýar we 200 000 suraty saklaýar. Ol ýyldyzlary, şar üýşmelerini, planetalary we goňur karlikleri öz içine alýar.
Maglumatlar 300-den gowrak ylmy makalanyň netijesi bolan VVV we VVVX taslamalarynyň çäklerinde ýygnaldy. Şeýle-de, astronomlar obýektleriň hereketini we olaryň ýagtylygynyň üýtgeýşini yzarlap bildiler.
“Biz şeýle köp açyş etdik welin, olar galaktikamyz baradaky düşünjäni hemişelik üýtgetdi” – diýip, Dante Minniti aýdýar.
ESO obserwatoriýasy VISTA-ny 4MOST guraly bilen üpjün etmek we Örän Uly Teleskopda (VLT) MOONS guralyny ulanmak arkaly gözlegleri dowam etdirmegi meýilleşdirýär.
Olar bilelikde bu gözlegde öwrenilen millionlarça obýektleriň spektrini hödürlär, şunuň bilen baglylykda alymlar köp täze açyşlara garaşýar.
