Raşid Meredow BMG-de Antoniu Guterriş bilen gepleşikleri geçirdi

  • 29.09.2024 20:48
  • 5.1k+
Raşid Meredow BMG-de Antoniu Guterriş bilen gepleşikleri geçirdi

28-nji sentýabrda Nýu-Ýorkda, BMG-niň ştab-kwartirasynda, Türkmenistanyň daşary işler ministri Raşid Meredow BMG-niň Baş sekretary Antoniu Guterriş bilen duşuşdy. Bu barada ýurdumyzyň daşary syýasat edarasynyň metbugat gullugy habar berýär.

Antoniu Guterriş Türkmenistanyň bitaraplyk syýasatyna ýokary baha berip, ýurduň durmuşa geçirýän daşary syýasatynyň parahatçylygy we durnuklylygy saklamagyň nusgasy bolup durýandygyny belledi. BMG-niň ýolbaşçysy şeýle hem raýatsyzlygy ýok etmek we bu ugurda işleri dowam etmek babatda durmuşa geçirýän tagallalary üçin Türkmenistanyň Hökümetine minnetdarlyk bildirdi.
Duşuşygyň barşynda taraplar sebit howpsuzlygyna degişli meseleleri, şol sanda Owganystana kömek meselelerini maslahatlaşdylar. Türkmenistan tarapyndan owgan halkyna berilýän goldaw aýratyn nygtaldy.
R.Meredow Guterriş bilen BMG-niň Baş sekretarynyň 2024-nji ýylyň iýulynda Türkmenistana üstünlikli saparyny we onuň netijelerini belläp geçdiler.
Türkmenistanyň daşary işler ministri ýurdumyzyň başlangyjy bilen BMG-de yglan edilen 2025-nji - Halkara parahatçylyk we ynanyşmak ýylynda gazanylan ylalaşyklary durmuşa geçirmegiň meýilnamasynyň taýýarlanýandygyny habar berdi.

Geçen hepdede Türkmenistanyň birža söwdalarynda geleşikleriň jemi bahasy 4 million dollardan gowrak boldy
düýn 15:38
1.3k+

Geçen hepdede Türkmenistanyň birža söwdalarynda geleşikleriň jemi bahasy 4 million dollardan gowrak boldy

Geçen hepdede Türkmenistanyň Döwlet haryt-çig mal biržasynyň söwdalarynda jemi bahasy ABŞ-nyň 4 million 38 müň dollaryndan gowrak bolan geleşikleriň 48-si hasaba alyndy. Bu barada TDH agentligi habar berýär. Daşary ýurt puluna Owganystanyň we Özbegistanyň işewür toparlarynyň wekilleri “Türkmengaz” hem-de “Türkmenhimiýa” döwlet konsernleriniň kärhanalarynda öndürilen suwuklandyrylan gazy satyn aldylar...

Serdar Berdimuhamedow Indoneziýany Garaşsyzlyk gününiň 80 ýyllygy bilen gutlady
18.08.2025 10:26
3.1k+

Serdar Berdimuhamedow Indoneziýany Garaşsyzlyk gününiň 80 ýyllygy bilen gutlady

Prezident Serdar Berdimuhamedow Indoneziýa Respublikasynyň Prezidenti Prabowo Subianto ýurduň milli baýramy — Garaşsyzlyk gününiň 80 ýyllygy mynasybetli tüýs ýürekden gutlaglaryny we iň gowy arzuwlaryny iberdi...

Türkmenistanyň DIM-nde Katar Döwletiniň ilçisi bilen duşuşyk geçirildi
18.08.2025 10:08
1.1k+

Türkmenistanyň DIM-nde Katar Döwletiniň ilçisi bilen duşuşyk geçirildi

Türkmenistanyň daşary işler ministriniň orunbasary Ahmet Gurbanow Katar Döwletiniň ilçisi Hamad bin Raşid bin Hamad Al-Azbi bilen duşuşyk geçirdi. Türkmenistanyň daşary syýasat edarasynyň habar bermegine görä, duşuşygyň dowamynda taraplar ikitaraplaýyn hyzmatdaşlygyň möhüm meselelerini, syýasy-diplomatik, söwda-ykdysady we medeni-ynsanperwer gatnaşyklary ösdürmegiň geljegini ara alyp maslahatlaşdylar...

Türkmenistan we BAE hyzmatdaşlygy giňeltmäge gyzyklanma bildirdiler
18.08.2025 10:05
1.1k+

Türkmenistan we BAE hyzmatdaşlygy giňeltmäge gyzyklanma bildirdiler

Türkmenistanyň daşary işler ministriniň orunbasary Mähri Bäşimowa Birleşen Arap Emirlikleriniň ilçisi Ahmed Alhaý Hamad Hamis Al-Hameli bilen duşuşyk geçirdi. Türkmenistanyň DIM-niň habar bermegine görä, taraplar ikitaraplaýyn gatnaşyklaryň häzirki ýagdaýyny we mundan beýläk hem ösdürmegiň ýollaryny ara alyp maslahatlaşdylar, şeýle hem yzygiderli dialogy dowam etdirmegiň ähmiýetini bellediler...