27-nji sentýabrda Türkmenistanyň daşary işler ministri Raşid Meredow BMG-niň Baş Assambleýasynyň 79-njy sessiýasynyň umumy mejlisinde çykyş etdi. Bu barada Türkmenistanyň DIM-niň metbugat gullugy habar berdi.
Çykyşynyň dowamynda Raşid Meredow ählumumy parahatçylygy, durnuklylygy we durnukly ösüşi gazanmakda halkara jemgyýetçiliginiň tagallalarynyň ähmiýetini belläp geçdi.
Bellenilişi ýaly, Türkmenistan Birleşen Milletler Guramasy bilen köpugurly strategiki hyzmatdaşlyga ýokary baha berýär. Parahatçylyk we howpsuzlyk, durnukly ösüş, howanyň üýtgemegi we ynsanperwer meseleler BMG-niň Baş Assambleýasynyň 79-njy sessiýasynyň çäklerinde Türkmenistanyň ileri tutulýan ugurlarynyň hatarynda görkezildi.
Türkmenistanyň Daşary işler ministrligi Raşid Meredowyň çykyşynyň doly tekstini getirýär.
