Şu gün - 28-nji sentýabrda Prezident Serdar Berdimuhamedow Türkmenistanyň Garaşsyzlyk gününiň hormatyna Halkara ahalteke atçylyk sport toplumynda geçirilen baýramçylyk dabaralaryna gatnaşdy.
Köpetdagyň eteginde ýerleşýän Halkara ahalteke atçylyk sport toplumynda Serdar Berdimuhamedow ýolugruna Arkadag şäheriniň we paýtagtymyzyň hem-de ýurdumyzyň ähli welaýatlarynyň özboluşlylygy, halk döredijiliginiň we senetçiliginiň aýratynlyklary bilen tapawutlanýan giň gerimli sergi bölümlerini synlady.
Sergide Arkadag şäherine Koreýa Respublikasynyň Seul şäherinde geçirilen “akylly” şäherleriň “World Smart City Expo 2024” atly Bütindünýä sergisiniň çäklerinde “Iň tapawutlanan “akylly” şäher”, “Daşary ýurt “akylly” şäheri”, «World Smart City Expo 2024» akylly şäherleriň halkara sergisine goşan uly goşandy üçin berlen sylaglar möhüm orun berlipdir.
Şeýle-de sergide nepis halylar we ýüpek matalar, türkmen milli lybaslary, şaý-sepler, dokma, keçe, deri we agaç önümleriniň özboluşly nusgalary, milli saz gurallary, gymmat bahaly daşlar bilen bezelen at esbaplary, zähmet gurallary, sowgatlyk önümler görkezildi.
Soňra Prezident Serdar Berdimuhamedow esasy münberden baýramçylyk at çapyşyklaryna tomaşa etdi.
Dürli aralyga çapyşyklaryň ýedisi geçirildi. Olaryň her birine atlaryň 12-si gatnaşyp, özleriniň iň gowy sport häsiýetlerini görkezdiler.
Soňra ýeňijileri sylaglamak dabarasy boldy diýip, "Watan" habarlar gepleşiginde habar berildi.
